17 қазан, сенбі күні музейде қала дебатшыларының кезекті кездесуі өтті. Бұл жолы бізге тәжірибелі дебатшылармен қатар, шешендік өнерде өз күшін сынап көргісі келетін жаңадан бастаған қатысушылар да келді.

Ең кішкентай қатысушылар №1 мектептің бесінші сынып оқушылары болды. Жастарына қарамастан, олар мектеп формасының қажеттілігі туралы тақырыпты талқылауда өздерін лайықты көрсетті. Сондай-ақ дәстүрлі оқыту жүйесі мен жасанды интеллект көмегімен оқыту туралы өз ойларын ортаға салды.

Болашақ дебатшылардың ортақ пікірі қуантты: жасанды интеллект қажет, алайда ол педагогтің тәжірибесін, сүйіспеншілігін, адамгершілігін және әр балаға деген ықыласы мен назарын алмастыра алмайды!