Дәл осы тақырыпқа 13 маусым күні музейдің дебат алаңында өткен сабақ арналды.

Дебатшылар арасында ойынға деген екі түрлі көзқарас қалыптасқан: «чил» (ағылшынның chill сөзінен — демалу, еркін атмосферада уақыт өткізу) және «спортшылар» (жеңіске жету үшін жаттығып, дамуға дайын қатысушылар). Екі бағыттың да өз орны бар, алайда ең бастысы – өзіңді танып, «Мен мұнда не үшін келдім?» деген сұраққа шынайы жауап беру.

Сенбі күні Лисаков техникалық колледжінің «Жастар» дебат клубының спортшылары мен қала жастарының өсіп келе жатқан буыны бас қосты. Қатысушылар ойын стратегиясы мен идеяны дамыту бойынша білім мен тәжірибе алды. Сабақтың қорытындысында колледждер арасындағы облыс чемпионатының екі дүркін жеңімпаздары Игорь Шторм мен Николай Янчук дебаттың ең күрделі әрі жаңа форматы – «Линкольн–Дуглас» бойынша тамаша шеберлік сағатын өткізді.

Ал қазір алаңда шілде айының басына дейін шағын үзіліс жарияланады. Жастарға сессия тапсыру, ал кейбіріне бітіру емтихандарынан өту қажет.

Оларға емтихандарда сәттілік тілейміз! Кездескенше!