Жаздың шаттығы – пионерлермен бірге

Пионерлердің көңілді жазы қыза түсті. Ел бойынша миллиондаған оқушы жазғы лагерьлерде, экскурсияларда және сауықтыру алаңдарында демалуда. Лисаков балалар да бұл қызықты демалыстан шет қалған жоқ.

Осы жазда Лисаков орта мектебінің жанынан балаларға арналған сауықтыру алаңы ашылды. Мұнда негізінен бастауыш сыныптардың 190 оқушысы демалуда. Әр таң сайын горн үні балаларды таңғы жаттығуға шақырады. «Ромашка», «Одуванчик», «Спутник», «Березка», «Орленок» атты жеті жасақ сапқа тұрады. Жаттығу мен таңғы астан кейін ең қызықты ойындар мен түрлі байқаулар басталады.

Қазір балалар көңілді «Мыстан кемпірге сот» атты қойылымға дайындалуда. Бір жасақ ертегілерден Мыстан кемпірдің жасаған барлық жаман істерін іздесе, екінші жасақ оның жақсы істерін дәлелдеуге тырысады. Сондықтан қойылымда қызу пікірталас пен күлкі көп болмақ.

Ал бұған дейін мұнда «Туған күн иелері күні» мерекесі өтіп, балалар Рудный мен Қостанай қалаларына саяхат жасады. Қостанайда олар көшпелі хайуанаттар бағын тамашалап, алып піл мен қимылы шапшаң маймылдарға ерекше сүйсінді. Сондай-ақ автожол комбинаты курсанттарымен кездесу, алау басындағы әндер мен таза ауадағы ойындар да балалардың есінде қалды.

Алда оларды әлі талай қызықты оқиғалар күтіп тұр. Ең бастысы – балалар көп жаңалық көріп, денсаулықтарын нығайтып, күнге қыздырынып қайтты. Жазғы демалыстың қалған күндерін қалай өткізетіні олардың алдағы оқу жылындағы жетістіктеріне де ықпал етпек.

«Лисаковская новь» газеті, № 53 (140), 1970 жыл.

Жоба логотипі жасанды интеллектінің көмегімен әзірленді.