«Лисаковскрудстрой» трестінің «Отделстрой» құрылыс басқармасының ағаш ұсталары бригадасының бригадирі.

1929 жылы 21 қарашада Смоленск облысы Куйбышев ауданының Высокое ауылында дүниеге келген.  Отбасында бес бала болды, әкесі көпір құрылысында ағаш шебері болып жұмыс істеді.  В. Б. Якушев 1955 жылы Тобыл станциясына алғашқы тың игерушілер қатарында келді. Лисаков қаласында 1967 жылдан бастап.

Қала құрылысында 20 жылдан астам жұмыс істеді. Осы жылдар бойы қалада және одан тыс жерлерде танымал комсомол-жастар бригадасын басқарды.  Бригада Лисаков КБК өнеркәсіптік объектілерін, тұрғын үйлер мен әлеуметтік-мәдени тұрмыстық объектілерді салуға тікелей қатысты. Бригада ұжымы 12 жыл жарақатсыз жұмыс істеді, жас жоғары білікті жұмысшыларды тәрбиелеудің үздік мектебі болды.

В.Б. Якушев әрқашан қабілетті ұйымдастырушы, жоғары білікті маман, талапшыл және мұқият тәрбиеші және жастар тәлімгері сапасымен ерекшеленді. Жас жұмысшыларға жұмыста ол үнемі назар аударып, талап қоя білді.

«В.Б. Якушев бірнеше рет грамоталармен, дипломдармен, естелік белгілермен марапатталып, «Құрмет Белгісі» орденімен, медальдармен марапатталды.

Белсенді өндірістік, қоғамдық-саяси жұмысы, қажырлы шығармашылық жасампаз еңбегі үшін, қаланың даңқын шығарған және қала еңбекшілерінің жағдайын жақсартуға үлкен ықпал еткен В.Б. Якушевке «Лисаков қаласының Құрметті азаматы» атағы берілді. 1981 жылғы 27 тамыздағы №202 Лисаков қалалық кеңесі атқару комитетінің шешімі *.

В.Б. Якушев 2011 жылдың 24 қыркүйегінде қайтыс болды.

*«Бұл есімдерді ұмытпаймыз». А.Я. Ильницкийдің жалпы редакциясындағы құжаттар мен материалдар жинағы. Қостанай: Қостанай баспа үйі 2009, 12-13 б., 209-210