Лисаков қаласы әкімдігі білім бөлімінің “Балалар және жасөспірімдер шығармашылығы орталығы” КМҚК қосымша білім беру педагогы, қаланың жетекші хореографы, спорттық бал билері бойынша 2-санатты төрешісі.

Т.В.Кипарисова 1945 жылы 23 қазанда Свердлов облысында дүниеге келген.

Тамара Васильевнаның жетекшілігімен 1973 жылы қалада алғашқы бал би ансамблі құрылды, осы жылдар ішінде ол 3 000-нан астам тәрбиеленушіні өнерге үйретті, оның оқушылары облыстық, республикалық және халықаралық чемпионаттардың жеңімпаздары болып табылады. Тамара Васильевна жетекшілік етіп отырған «Улыбка» ансамблі біздің облыста ғана емес, республикада да белгілі.

Тамара Васильевна дайындаған би жұптары Барселонада (Испания) өткен әлем чемпионатында ел намысын қорғады. Оның көптеген шәкірттері ұстаздың жолын қуып, бүгінде Лисаков, Қостанай, Астана, Челябі, Нью-Йорк қалаларында хореограф болып жұмыс істейді.

Тамара Васильевна Лисаков би мектебін дамытуға, елдегі Лисаков қаласының имиджін көтеруге үлкен үлес қосты. «Білім беруді дамытуға қосқан үлесі үшін» медалімен, грамоталармен және алғыс хаттармен марапатталған.

Қазақстан Республикасының игілігі үшін жоғары кәсіби шеберлігі мен жанқиярлық жұмысы үшін «Білім берудегі үздік адамдар» халықаралық энциклопедиясына енгізілді. Қостанай облыстық Меценаттар клубы сыйлығының лауреаты.

2016 жылғы 21 шілдедегі № 38 шешімімен «Лисаков қаласының Құрметті азаматы» атағы берілді.

Т.В.Кипарисова 2023 жылы 15 мамырда қайтыс болды.

http://lsk.kostanay.gov.kz/maslikhat/pochetnye-grazhdane-goroda-lisakovska/?id_elem=34

2023 жылғы 18 мамырдағы N 20 (4324) «Лисаковская новь» газеті.