Халық депутаттары қалалық кеңесінің төрағасы (1991-1992), Лисаков қалалық әкімшілігінің басшысы (1992-1993), Лисаков еркін экономикалық аймағы әкімшілік кеңесінің төрағасы (1993-1994)*.
1953 жылы 28 желтоқсанда Алматы қаласында дүниеге келген. 1971 жылы Таран орта мектебін, ал 1976 жылы Рудный қаласында В.И. Ленин атындағы Қазақ политехникалық институтының «Технология, ашық тау – кен жұмыстарының, кешенді механизациясы» мамандығы бойынша филиалын бітірді. Тау-кен инженері дипломын алып, ССГОК-та жұмыс істеді. Краснооктябрь боксит кен басқармасында М.В. Баженов 1987 жылдан бастап, 1988-1991 жылдары кен басқармасының директоры болып жұмыс істеді.
1991-1994 жылдары Лисаков қалалық Кеңесінің, халық депутаттары Лисаков қалалық кеңесінің атқарушы комитетінің, Лисаков ЕЭА әкімшілік кеңесінің төрағасы болып жұмыс істеді. Оның тікелей қатысуымен 1992 жылы қалаға еркін экономикалық аймақ (ЕЭА) мәртебесі берілді. ҚР Жоғарғы Кеңесінің депутаты болып сайланды (1990-1995 жж.). 1994 жылы Соколов-Сарыбай тау-кен байыту бірлестігінің бас директоры болып тағайындалды, Ресейде жеке кәсіпкер болып жұмыс істейді.
Техника ғылымдарының кандидаты.
«Лисаков қаласының Құрметті азаматы» атағы Лисаков еркін экономикалық аймағын құруға, оны дамытудың негізгі мақсатты бағдарламаларын іске асыруға, шетелдік инвесторларды тарта отырып, жаңа озық технологияларды енгізуге, сыртқы саудамен және ішкі нарықты халық тұтынатын тауарлармен, дәрі-дәрмектермен қанықтырумен айналысатын бірлескен кәсіпорындар құруға бастамашылық және тікелей қатысқаны үшін Лисаков қалалық мәслихатының-бірінші шақырылған депутаттар жиналысының 1995 жылғы 20 шілдедегі № 66 қаулысымен берілді.**
* «Лисаков-бұл біз». Мұрағат-өлкетану шолуы. А. Я. Ильницкийдің жалпы редакциясы. Қостанай облысының Лисаков аймақтық мемлекеттік мұрағаты. Лисаков, 2006, 31-32 б.
**”Бұл есімдерді ұмытпаймыз. А. Я. Ильницкийдің жалпы редакциясымен құжаттар мен материалдар жинағы. Қостанай: Қостанай баспасөз үйі, 2009, б. 26, 170