![](https://lisakovsk-museum.gov.kz/wp-content/uploads/2024/04/ai.jpg)
Лисаков қалалық әкімшілігі басшысының орынбасары (1992-1995), Лисаков қаласы әкімінің орынбасары (1995-1998).
О.Х.Айдосов 1936 жылы 22 желтоқсанда Қостанай облысы Комсомол ауданындағы Ленин атындағы колхозда дүниеге келген. Әскери борышын өтегеннен кейін О.Х.Айдосов Комсомол ауданының Бөрлі ауылындағы мұнай базасының бастығы болып жұмыс істейді және Қостанай ауылшаруашылық техникумына түседі. 1961 жылы наурызда Коммунистік партия оны Торғайдың тың жерлері- «Қостанайский комсомолец» совхозына (Амангелді ауданы, Қостанай облысы), ірі егіс алаңдары, қой мен жылқы өсіруге арналған базасы бар ұйым құру үшін жіберді. 1963-1964 жылдары Оразбай Хангерейұлы Қостанай облысы Камышын ауданында «Новый Путь» газетінің ауылшаруашылық бөлімінің меңгерушісі болып жұмыс істеді. Содан кейін 1964-1967 жылдары Қазақстан Компартиясы Камышнин аудандық комитетінде нұсқаушы қызметіне ауыстырылды. Ал 1967-1971 жылдары – Камышын ауданы Горький атындағы совхозда бастауыш партия ұйымының хатшысы болып істеді. 1973 жылы О.Х. Айдосов Целиноград ауыл шаруашылығы институтын аяқтап, зоотехник мамандығын алады. 1971-1979 жылдары «Ливанов» сохозында бас зоотехник болып жұмыс істейді. 1975 жылы О. Х. Айдосов Целиноград ауыл шаруашылығы институтының (Қостанай филиалы) басшы кадрларының алты айлық курсынан өтіп, ал 1979 жылы Мәскеуде марксизм-ленинизм университетінде сырттай оқиды. 1979-1985 жылдары Урицкий ауданының «Маяк» совхозында директордың өндіріс жөніндегі орынбасары болып жұмыс істейді. 1987 жылдан 1989 жылға дейін Қостанай облысы Таран ауданы «Рассвет» совхозы директорының орынбасары қызметін атқарды. 1989 жылғы шілдеден бастап Оразбай Хангерейұлы «Таран» АӨК бас директорының орынбасары болып жұмыс істейді.
1992 жылы Лисаков қалалық әкімшілігінің басшысы М.В. Баженов Таран АӨК бас директоры И.В. Мовчанға ресми хат жолдады. «О.Х. Айдосов ж-ты Лисаков қалалық әкімшілігінің аппаратына әкімшілік басшысының бірінші орынбасары лауазымына ауыстыру арқылы жұмыстан босатуыңызды сұраймын». Оразбай Айдосов 1992 жылғы 20 сәуірден бастап Лисаков қаласы әкімшілігі басшысының бірінші орынбасары міндетін атқара бастады.
Жаңа тәуелсіз мемлекеттің қалыптасуы барысында қазақстандықтар алдында жаңа міндеттер қойылды. Олардың бірі-қазақ тілінің қайта жаңғыруы. О.Х. Айдосовтың қолдауымен «Теремок» балабақшасында «Балапан» мектеп-балабақшасы ашылды. О. Х. Айдосов мемлекеттік тілде оқытатын сыныптардың ашылуына, балалар музыка мектебінде домбыра бөліміне ықпал етті*.
Лисаков қаласында О.Х. Айдосов қала үшін өте қиын уақытта әкімшілік басшысының орынбасары болып жұмыс істей бастады: тау-кен байыту комбинаты қызып тұрған кезі. Жөнелтілетін өнімге ақы төлеуде қиындықтар болды – осының бәрі бюджетке төлем жасамауды, жалақы төлеумен кідіртуді, әлеуметтік бағдарламалардың құлдырауын, ертеңгі күнге сенімсіздікті білдірді. Қалалық коммуналдық шаруашылық құру кезегі келді. Осы және көптеген басқа да міндеттер мен проблемаларды шешуде О.Х. Айдосовқа күн сайын нақты жедел шешімдер қабылдауға тура келді. Олар негізінен дер кезінде және сәтті қабылданды.
Бұл жан-жақты және қиын жұмыста сәттілікке О.Х.Айдосов қол жеткізді, өйткені ол келесі: «Билік халыққа жақын болуы тиіс, егер олар қаланы дұрыс даму жолымен бағыттайтынын көрсе адамдар басшыларға әрдайым қолдау көрсетеді» деген принципті ұстанды. Нәтижесінде көптеген жұмыстар атқарылды: тұрғын үй қорын, әлеуметтік-мәдени тұрмыстық объектілерді жоғалтпады, жаңа өндірістер пайда болды, бірте-бірте ескі өндірістер қалпына келтірілді.
О. Х. Айдосовтың үлкен және тату отбасы бар.
Қала экономикасын дамытуға, қала тұрғындарын ауыл шаруашылығы өнімдерімен қамтамасыз етуіне, халықтың мұқтаждарына мұқият қарағаны үшін Лисаков қалалық мәслихатының 1996 жылғы 16 шілдедегі № 114 шешімі О.Х.Айдосовқа «Лисаков қаласының Құрметті азаматы» атағы берілді.
О.Х.Айдосов 2022 жылдың 7 қарашасында қайтыс болды.
* А.К. Қадырханов құрметті атағына лайық. «Туған жердің тарихы» мақалалар жинағы. Қостанай облысының тарихы өлкетануды зерттеу мен публицистикасы. Лисаков: Қостанай облысы әкімдігі мәдениет басқармасының «Жоғарғы Тобылдың Лисаков тарихы мен мәдениеті мұражайы» КММ, 2020, 111-119 б.
**«Бұл есімдерді ұмытпаймыз. А.Я. Ильницкийдің өңдеген құжаттар мен материалдар жинағы». Қостанай: Қостанай баспасөз үйі, 2009, 28, 168 б
![3](https://lisakovsk-museum.gov.kz/wp-content/uploads/2024/04/3-5.jpg)
![12](https://lisakovsk-museum.gov.kz/wp-content/uploads/2024/04/12-3.jpg)
![13](https://lisakovsk-museum.gov.kz/wp-content/uploads/2024/04/13-4.jpg)
![7](https://lisakovsk-museum.gov.kz/wp-content/uploads/2024/04/7-2.jpg)
![6](https://lisakovsk-museum.gov.kz/wp-content/uploads/2024/04/6-3.jpg)
![5](https://lisakovsk-museum.gov.kz/wp-content/uploads/2024/04/5-3.jpg)
![4](https://lisakovsk-museum.gov.kz/wp-content/uploads/2024/04/4-4.jpg)
![8](https://lisakovsk-museum.gov.kz/wp-content/uploads/2024/04/8-3.jpg)
![9](https://lisakovsk-museum.gov.kz/wp-content/uploads/2024/04/9-4.jpg)
![10](https://lisakovsk-museum.gov.kz/wp-content/uploads/2024/04/10-3.jpg)
![11](https://lisakovsk-museum.gov.kz/wp-content/uploads/2024/04/11-6.jpg)
![2](https://lisakovsk-museum.gov.kz/wp-content/uploads/2024/04/2-3.jpg)
![1(1)](https://lisakovsk-museum.gov.kz/wp-content/uploads/2024/04/11-7.jpg)