Лисаков музейінде ағашты көркем ойып өңдеу шебері Таншикпай Аманжолұлы Жұмашевтің шығармашылығына арналған «Ағаш тілін түсінетін шебер» атты көрменің ашылуы өтті.

Іс-шараға оның туған-туыстары, достары, әріптестері және шығармашылығын құрметтейтін жандар жиналды. Жылы әрі әсерлі атмосферада қонақтар Т. Жұмашевті, оның өмір жолын және қаланың мәдени өміріне қосқан үлесін еске алды.

Кеш бағдарламасы мазмұнды әрі әсерлі өтті. Ерекше көңіл күйді Балалар мен жасөспірімдер шығармашылық орталығы дайындаған музыкалық нөмірлер қалыптастырды. Қонақтар шебердің шығармашылық жолы — Абрамцево училищесінде оқыған кезінен бастап, танылуына және бірегей туындылар жасауына дейінгі кезеңдерімен танысты. Жақындары оның дарынды шебер әрі шынайы жан болғанын көрсететін естеліктерімен бөлісті.

Көрмеде ұсынылған жұмыстар мен архивтік фотосуреттер ерекше әсер қалдырды. Әрбір туынды — ағаш жанданып, бізбен өнер тілі арқылы тілдесетін өзіндік бір тарих.

Көрмеге Лисаков қаласының құрметті азаматы Лилия Гербертовна Лескова қатысып, өз әсерімен бөлісіп, шебер шығармашылығының маңыздылығы мен оның мәдени мұраға қосқан үлесін атап өтті.

Көрменің тұсаукесерін Лисаков музейінің директоры Ермағамбетова Ш.Е. жүргізіп, туындылардың бірегейлігі мен көркемдік құндылығын ерекше атап өтті.

Осындай шаралар қаламыздың мәдени мұрасын қалыптастырған тұлғаларды ұмытпай, олардың еңбегін кейінгі ұрпаққа үлгі етіп жеткізуге мүмкіндік береді.