Жоба аясында қаламыздың тарихында із қалдырған маңызды күндерге, оқиғаларға және өткен жылдардағы жарияланымдарға жүгінетін боламыз. Архивтік материалдар мен «Лисаковская новь» газетінің мақалалары арқылы қаланың әр кезеңде қалай өмір сүргенін және оның тарихының қалай қалыптасқанын көрсетуге тырысамыз.

Бұл жоба – өткенге деген құрмет пен жады кеңістігі, сондай-ақ бүгінгі болмысымызды айқындаған оқиғаларға жаңаша көзқараспен қарауға мүмкіндік береді.

Жарияланымдарды қадағалап, қаланың тарихын бізбен бірге ашыңыз.

1970 жылғы 6 қаңтар
Еңбек күндері
Алғашқы қазықша қағылды

Осы күні құрылыс алаңында алғашқы қазықша қағылып, қаланың алғашқы ірі панельді тұрғын үйлерін салудың басталғанын білдірді.

Бұл учаскеде 3-шағын аудандағы №18, 119 пәтерлі тұрғын үйдің құрылысы жоспарланған болатын. Аталған үй қаланың алғашқы көпқабатты тұрғын үйлерінің бірі саналады. Ғимараттың қаңқасын өз кезеңі үшін озық саналатын ірі панельді технологияларды қолдана отырып, Жетіғарин тұрғын үй құрылыс комбинаты құрастырды.

Дайындық және белгілеу жұмыстарын инженер Борис Никулиннің басшылығымен геологиялық топ атқарып, болашақ ғимараттардың дәл орналастырылуын және құрылыс алаңының дұрыс негізделуін қамтамасыз етті.

№18 үймен қатар 3-шағын ауданның сәулеттік келбетін қалыптастыруы тиіс №19 және №20 тұрғын үйлерін салу да жоспарланған еді.

Бұл оқиға туралы ақпарат «Лисаковская новь» газетінің 1970 жылғы 7 қаңтардағы №2 (89) санында жарияланған.