Орынбор-Торғай губерниясының Қостанай уезінің Варваринка ауылында дүниеге келген. 1940 жылы желтоқсанда Қызыл Армия қатарына шақырылды, 28 танк дивизиясы құрамында мұнара атқыштар-радист ретінде соғысты, 12 гвардиялық жеке атқыштар бригадасы құрамында Сталинград қорғанысына қатысты, кейін 64 Армияның 92 гвардиялық Криворожск дивизиясы болып өзгертілді. Сталинград түбіндегі жеңістен кейін дивизия Курск-Белгород шайқасына, Украинаны азат етуге қатысты. Жеңіс күнін В. С. Близниченко Бургаста (Болгария) қарсы алды. Қызыл Жұлдыз, І дәрежелі Отан соғысы, Еңбек Қызыл Ту ордендерімен, “Сталинградты қорғағаны үшін”, “1941-1945 жылдардағы Ұлы Отан соғысында Германияны жеңгені үшін”, “Еңбектегі ерлігі үшін”, “Тың және тыңайған жерлерді игергені үшін”медальдарымен марапатталған.

Василий Савельевич Близниченко – Лисаков ауылдық кеңесінің төрағасы (1969-1971 жж.), еңбек ардагері, Лисаков қаласының алғашқы құрылысшысы.

В. С. Близниченконың естеліктерінен:

“Сталинградты қорғау күндері мен 64 армияның құрамына кіретін 92 гвардиялық Криворожск дивизиясы болып қайта аталған 12-ші гвардиялық жеке атқыштар бригадасының құрамында ұрыстарға қатыстым. 200 күн мен түн Сталинградта фашистік әскерлерді-дала маршалы фон Паулустың басшылығымен 6 – шы армияны жою үшін шайқастар болды. 1943 жылы 31 Қаңтарда Сталинград түбінде қоршалған 330 мыңдық Гитлер әскерінің жеңілісі аяқталды. Мен гвардия аға лейтенанты атағымда генерал-дала маршалы фон Паулустың жертөлесінде орналасқан әмбебап дүкен ғимаратын басып алу үшін шабуыл тобын басқардым. Осы жекпе-жегі үшін мен Қызыл Жұлдыз орденімен және “Сталинградты қорғағаны үшін” медалімен марапатталдым. Сталинград түбіндегі Ұлы Жеңістен кейін генерал-лейтенант М.С. Шумилов басқарған 64 армиядан тұратын 92 гвардиялық атқыштар дивизиясы Белгород астына жіберіліп, Курск-Белгород шайқасына қатысып, Курск маңындағы фашистік әскерлерді жеңгеннен кейін Украинаны азат етті. Жеңіс күнін Бургас қаласында (Болгария) кездестім”.