«Лисаковскрудстрой» тресінің бірінші басқарушысы (1968-1975).

1927 жылы 2 тамызда Әзірбайжан КСР Кировобад қаласында қызметші отбасында дүниеге келген. Техник-электрик (Ташкент коммуналдық-құрылыс техникумы, 1955 жыл).

Өзінің еңбек жолын 1942 жылы Ташкент қаласындағы «Средазэлектромонтаж» тресінің арнайы жобалау-монтаждау бөлімінде электрик болып бастаған.

Содан кейін, Ташкентте жұмыс істеген соң, 1957 жылдан бастап «Казэлектромонтаж» трестінің Соколов-Сарыбай басқармасының бастығы болып жұмыс істеді. 1968-1985 жылдары «Лисаковскрудстрой» трестінің құрылғаннан бастап осы ұйымның бірінші басқарушысы болып жұмыс істеді.

Трест басшылығы кезінде тау-кен байыту комбинатының, құрылыс базасының негізгі нысандары салынып, қаланың толық құрылысы басталды. Осы уақытта, негізінен, қала мен облыстың және республиканың маңызды құрылыстарында құрылыс-монтаж жұмыстарының негізгі көлемін орындаған Лисаков құрылысшылары мен қосалқы мердігерлік ұйымдарының мыңдаған ұжымын қалыптастыру аяқталды.

1975 жылы «Главкустанайстрой» бастығының орынбасары болып тағайындалды, келесі жылдары Арқалық, Қостанай қалаларында құрылыс трестерін басқарды.

Бірнеше рет Таран аудандық, Лисаков кенттік, қалалық Халық депутаттары Кеңестерінің, аудандық және қалалық партия комитеттерінің депутаты болып сайланды.

Еңбек Қызыл Ту орденімен, «Қазақ КСР-інің еңбек сіңірген құрылысшысы» 2 медалімен марапатталған.

Белсенді өндірістік, қоғамдық-саяси жұмысы, қаланы танымал еткен және қала еңбекшілерінің жағдайын жақсартуға үлкен ықпал еткен шығармашылық жасампаз еңбегі үшін И. С. Завилинскийге «Лисаков қаласының Құрметті азаматы» атағы берілді. Лисаков қалалық еңбекшілер депутаттары Кеңесінің Атқарушы комитетінің 1981 жылғы 27 тамыздағы № 202 шешімі. 1994 жылы 20 маусымда қайтыс болды, Қостанай қаласында жерленген.

* «Бұл есімдерді ұмытпаймыз» құжаттар мен материалдар жинағы. А.Я. Ильницкийдің жалпы редакциясы. Қостанай: Қостанай баспа үйі, 2009, Б. 12-13, 182-183