2024 жылдың 10 қазанында Лисаков музейінде жаңа көрменің ашылуы өтті. «Жас суретшілер славян мәдениеті туралы» көрмесі мй мен балалар көркемсурет мектебінің «Қазақстан халқының мәдениеті балалар шығармашылығында» бірлескен жобасының бір бөлігі болып табылады.

Көрмеге Лисаков балалар көркемсурет мектебінің отыз сегіз оқушысы елу үш суретін ұсынды. Көрменің бірегейлігі – балалар салған суреттердің шынайы музей заттарымен таңғажайып үйлесімде. Көрмеге музей қорындағы 60-тан астам экспонат қойылған. Көрменің алдында музейге экскурсиялар ұйымдастырылғандықтан, келушілер балалардың салған суреттерінен көптеген жәдігерлерді таныды. Көне иіру дөңгелектері, Гжель және Хохлома шеберлерінің бұйымдары, украин, орыс және белорустардың тұрмыстық заттары түпнұсқадан да, балалар шығармаларынан да көрінеді.

Ашылуына: Лисаков қаласы әкімінің орынбасары – С.Ж.Шаймурунов, балалар көркемсурет мектебінің меңгерушісі – С.В.Карженкова, мемлекеттік қызмет ардагері – Т.В.Кубрак, Лисаков музейінің бірінші директоры – Н.Е.Жиляева қатысты.

Қонақтарды Лисаков музейінің басшысы Ш.Е.Ермағамбетова қарсы алды. Көрме бойынша экскурсияны директордың ғылыми жұмыстар жөніндегі орынбасары Ю.П.Буданова жүргізді. Ашылуда балалар мен жасөспірімдер шығармашылығы орталығының тәрбиеленуші В.Вайгель (музыкалық жетекшісі – Н.А. Каракиян) және «Забава» қалалық мәдениет және спорт орталығының фольклорлық ансамблі музыкалық нөмірлерді орындады.

«Жас суретшілер славян мәдениеті туралы» көрмесі Лисаков музейінде 2024 жылдың 15 қарашасына дейін көрсетіледі.

#Лисаков #музей

#ГидҚазақстанға

#Лисаковск #музей

#ГидПоКазахстану